A su Presidente 'e sa Regione
Pro sa lingua blu
O caru Presidente 'e sa Regione,
faghere una domanda li gheria:
Pro chie a tentu dannu in su masone,
nacchi pagadese pro s'epidemia.
Fetteda Presidente attenzione,
chi non paghene solu a simpatia.
De s'annu a su duemizzaeunu,
non d'ada iscrittu giornale perunu.
Settenta erbeghes mortas mi che sunu,
ei su restu cherian timidas.
Sos anzones morinde a unu a unu,
sa bona parte si fini aurtidas.
Riconnottu siada a donzunu,
oltre a su disastru sas fadigas.
S'economia 'e s'isola Sarda,
cheret distruere sa zente bastarda.
Iscopridos los ana a ora tarda,
chin d'an battidu sa peste africana.
Ruttas in terra chei sa pilarda,
si che moriada sa erbeghe sana.
Como ses bona sa Regione Sarda,
bi lu faghet pagare a mala gana.
E difendes sor sardos isolanos,
ca non bos votana sos africanos.